“Тоттенхэм” “Бавария”нинг ҳужумчи Харри Кейн борасидаги таклифини яна бир бор рад этди.

Мюнхенликлар 29 ёшли англиялик футболчига жиддий этибор қаратишмоқда ва якшанба куни ОАВда "Тоттенхэм"га иккинчи трансфер таклифи юборилгани ҳақида маълумот пайдо бўлди. Келишув нархи 80 миллион еврога баҳоланмоқда, бу “шпорлар” раҳбариятини ҳайратда қолдирмаган кўринади: MailSport хабарига кўра, Лондон клуби бу сафар ҳам ўз юлдузини “Бавария”га сотишдан бош тортди.

Харри Кейннинг "Тоттенхэм" билан амалдаги шартномаси келаси йилнинг июль ойида тугайди. Ўтган мавсумда ҳужумчи 49 учрашувда 32 та гол урган.