"ПСЖ"нинг собиқ спорт директори Леонардо Килиан Мбаппенинг клубни тарк этиши мумкинлиги ҳақидаги фикрлари билан ўртоқлашди.
24 ёшли ҳужумчи "ПСЖ" билан 2024 йилда тугайдиган шартномасини узайтиришдан бош тортмоқда. Келгуси ойларда сотилмаса, келаси мавсум охирида клубни эркин агент сифатида тарк этиши мумкин. Франциялик супер юлдузга Мадриднинг "Реал" клуби қизиқиш билдирмоқда.
"ПСЖ" Мбаппедан олдин ҳам мавжуд эди ва у кетганидан кейин ҳам мавжуд бўлади. У Парижда олти йил ўтказди, шу вақт ичида беш хил клуб Чемпионлар лигасида ғолиб чиқди - барчаси Мбаппесиз. Шубҳасиз, ушбу турнирда ғалаба қозониш учун Килианнинг рўйхатда бўлиши шарт эмас", - деди Леонардо L'Equipe нашрига берган интервьюсида.
