Ҳозир ОФК кубогининг финал баҳси якунига етди. Ўйин Ироқнинг Арбил шаҳрида бўлишига қарамай, учрашув Кувайтнинг "Кувайт" СК клубининг йирик ҳисобдаги ғалабаси билан якунланди. Кувайтликлар 4:0 ҳисобида ғалаба қозонди ва Кубокни қўлга киритди.
Хабарингиз бор, ўтган йили ушбу жамоа Қаршида бўлиб ўтган ОФК кубоги финалида "Насаф"га имкониятни бой берганди. Бир йилдан кейин "Кувайт" СК Осиё қитъасида клублари ўртасидаги савия жиҳатидан иккинчи ўринда турувчи мусобақа ғолибига айланди.
"Кувайт" СК 2009 йилда ҳам ОФК кубогини қўлга киритганди. Демак, жамоа ўз тарихида иккинчи марта ғолибликка эга бўлди.
Ушбу ўйинни ўзбекистонлик ҳакамлар бригадаси бошқариб боришди. Валентин Коваленкога қанотларда Ильясов ва Саидқосимов ёрдам беришди. Захира ҳаками вазифасини эса Владислав Цейтлин бажарди.
ОФК КУБОГИ. ФИНАЛ
"АРБИЛ" (Ироқ) - "КУВАЙТ" СК - 0:4
