"Валенсия" ярим ҳимоячиси Юнус Муса фаолиятини "Милан"да давом эттиради, деб хабар бермоқда Football Espana нашри.
Манбага кўра, Италия клуби 20 ёшли футболчи билан шахсий шартномаси шартларини келишиб олган. Қайд этилишича, трансфер суммаси 18 миллион еврони ташкил қилади.
Ўтган мавсумда Муса "Валенсия" сафида 37 та ўйинда майдонга тушиб, 2 та голли узатмага муаллифлик қилган. Transfermarkt портали АҚШ терма жамоаси футболчисини 18 миллион еврога баҳоламоқда.
Эслатиб ўтамиз, Италия чемпионатининг янги мавсуми август ойида бошланади. "Милан" ўтган мавсумни А Серия турнир жадвалида тўртинчи ўринда якунлади ва Чемпионлар лигаси йўлланмасини қўлга киритди.
