"Ювентус" ва "Интер" мухлислари ўз клубларининг бўлажак трансферларидан норози.
Ромелу Лукакунинг эҳтимолий трансферидан хабар топган “кекса синьора” мухлислари клуб тиббиёт маркази яқинида норозилик акциясига чиқишди. Қуйидаги видеода улар "Биз Лукакуни хоҳламаймиз" деб ҳайқирмоқда.
Ўз навбатида, "Интер"нинг Curva Nord (шимолий трибуна - итальянча) мухлислар гуруҳи бугун Хуан Куадрадонинг келишига норозилик билдириш учун йиғилади. "Нерадзурилар" колумбиялик футболчи билан бир йиллик шартнома имзолашлари кутилмоқда.
Лукаку ва Куадрадо мос равишда "Интер" ва "Ювентус"нинг собиқ футболчилари. Апрел ойи бошида улар Италия кубогининг биринчи ярим финали якунида юз берган оммавий тўқнашувнинг бош қаҳрамонларига айланишди.
“Интер” ва “Ювентус” Италия футболидаги энг муҳим рақиблардан бири ҳисобланади. "Нерадзурилар" ва "Бьянконерилар" ўртасидаги қарама-қаршилик бутун Италия дербиси деб аталади.
