“CAFA Futsal Cup 2023” турнири доирасида Ўзбекистон миллий терма жамоаси бугун Туркманистонга қарши 3-тур баҳсини ўтказди.

Учрашувнинг 3-дақиқасида вакилларимиз ҳисобни очишди. Рақиб ҳимоячсининг хатосидан фойдаланган вакилларимиз чиройли комбинация орқали ҳисобни очишди. 13-дақиқада эса бурчак етказилган тўпни Акбар усмонов кучли зарби билан рақиб дарвозасига жойлади.

Иккинчи бўлим якунланишига 5 дақиқа қолганида Илҳом Ҳамроев 7 метрлардан аниқ зарба бериб, ҳисобни йирик кўринишга келтирди. Орадан икки дақиқа ўтиб эса  туркманистонликлар "стандарт" вазиятдан битта жавоб тўпини киритишди.

Ўйин сўнгида рақиб ўйновчи-дарвозабон тактикасида ҳаракат қилди. Жамоамиз бешинчи голни урганди, аммо тўп чизиқни кесиб ўтишидан аввал ўйин вақти тугаб қолганди.

Шу тариқа, Баҳодир Аҳмедов жамоаси турнирдаги иккинчи ғалабага эришиб, очколарини 6 тага етказиб олди. Туркманистон эса 1-турда Эронни мағлуб этгач, кетма-кет иккита ўйинда ютқазди.

CAFA Futsal Cup 2023, 3-тур
Туркманистон - Ўзбекистон - 1:3
Голлар: Ихтиёр Ропиев 3ʼ, Акбар Усмонов 13ʼ, Илҳом Ҳамроев 35ʼ, Шири Байрамдурдиев 37ʼ.