Суперлига – 2023 мавсумининг иккинчи давраси олдидан “Металлург” ўз таркибини Эронлик яна бир ўйинчи билан мустаҳкамлади. Эрон Ислом Республикаси миллий терма жамоасининг собиқ ўйинчиси Даниал Маҳини бекободликлар сафига келиб қўшилди.

Профессионал футбол фаолияти давомида Эрон про лигасида 58, Азадеган лигасида 23, ОФК чемпионлари лигасида 8, Хафзи кубогида 3, Суперкубокда 1 та ўйинда майдонга тушган Маҳини жами 92 та ўйинда қатнашган. “Эронжавон”, “Эстеглал” (Хузестон), “Сайпа”, “Малаван”, “Пайкон”, “Арман Гоҳар” жамоаларида тўп сурган.

Даниал Маҳини – 29 ёшда, 1993 йилнинг 25 сентябрь санасида туғилган.
Туғилган жойи – Эрон Ислом Республикаси, Бушеҳр.
Бўйи – 182 см
Вазни – 75 кг.
Амплуаси – ҳимоячи

“Металлург”нинг аҳил оиласига хуш келибсан, Даниал!" - дейилади бекободликлар расмий баёнотида.