Лаутаро Мартинес нима учун Саудия Арабистонига ўтишдан бош тортганини тушунтирди.
Эслатиб ўтамиз, Саудия лигаси клубларидан бири "Интер" ҳужумчисига умумий қиймати 240 миллион евролик шартнома таклиф қилган эди.
- Саудия Арабистонидан келган фойдали таклифни рад этдингиз. Нега?
— Тўғри, таклифлар тушди. Лекин мен "Интер"да ва Милан шаҳрида бахтлиман, клубни ўзгартиришга ҳеч қандай сабаб йўқ. Менинг оилам ҳам худди шундай фикрда.
– Лекин нега ёшлар ҳам у ерда ўйнаш учун кетишади?
- Албатта, сиз молиявий томони ҳақида ўйлайсиз, буни инкор этиб бўлмайди, бу жуда кўп пул...
Лекин барчаси шахсга боғлиқ: масалан, мен бу йўлни танладим, чунки мен юқори савияда ўйнашни давом эттирмоқчиман, Аргентина миллий терма жамоаси билан кейинги Америка кубоги ва навбатдаги жаҳон чемпионатига қандай яхши тайёргарлик кўриш ҳақида ҳозирданоқ ўйлаяпман", - деди Лаутаро.
