"Реал Мадрид" ва "Реал Сосьедад" клубларининг собиқ ярим ҳимоячиси Асьер Ильяраменди АҚШнинг "Даллас" клуби футболчисига айланди. Бу ҳақда Фабрицио Романо ижтимоий тармоқларда хабар бермоқда.
Манбага кўра, испаниялик футболчи янги клуби билан 2024 йилнинг декабригача шартнома имзолаган. Эслатиб ўтамиз, у шу ёзда "Реал Сосьедад"ни тарк этгани учун "Даллас"га эркин агент сифатида кўчиб ўтди.
Ильяраменди 33 ёшда, у деярли бутун катталар фаолиятини "Реал Сосьедад" клубида ўтказган. 2013 йилдан 2015 йилгача у "Реал Мадрид"да ўйнаган, шундан сўнг яна ўзи туғилган шаҳарнинг клубида ўйнашни давом эттирган.
