Осиё Чемпионлар лигаси дастлабки саралаш босқичида ОКМК Олмалиқда Ўмоннинг «Ас-Сийб» жамоасини қабул қилади.

«Ас-Сийб» клуби 1972 йилда ташкил топган. Айни пайтда жамоани маҳаллий мураббий Рашид Жабер бошқаради.

«Ас-Сийб» ўтган мавсум Ўмон Профессионал лигасида 26 ўйинда 51 очко тўплаб 3-ўринни эгаллаган.

Шунингдек, «Ас-Сийб» жамоаси 2022 йилги мавсум ОФК кубогининг ғолиби саналади.

«Ас-Сийб»га қарши бўлажак учрашув ОКМК учун Осиё Чемпионлар лигаси доирасидаги 10-ўйинга айланади. Жамоамиз шу пайтга қадар ОЧЛ доирасида 3 саралаш босқичи ва 6 бор гуруҳ ўйинларида қатнашган. Шулардан 4 ғалаба ("Истиқлол" 2 марта, "Ал-Ғарафа", "Шабаб Ал-Аҳли"), 4 мағлубият ("Ал-Насср", "Истиқлол", "Ал-Ҳилол", "Шабаб Ал-Аҳли") ва 1 дуранг ("Ал-Ҳилол") мавжуд.

ОКМК — «Ас-Сийб» қарама-қаршилиги 15 август куни Олмалиқдаги «ОКМК спорт мажмуаси» стадионида соат 20:00да старт олади.

Кириш чипталари барча жойлар учун 10.000 сўмдан этиб белгиланган!

Осиё Чемпионлар лигаси 2023/24, саралаш босқичи.
ОКМК (Ўзбекистон) — «Ас-Сийб» (Ўмон)
Бош ҳакам: Ҳанна Ҳаттаб (Сурия)
Ёрдамчи ҳакамлар: Али Аҳмад, Муҳаммад Каззаз (Сурия)
Захира ҳаками: Ферас Тавил (Сурия)
Ҳакамлар назоратчиси: Исмоил Сафирий (Эрон)
Комиссар: Айман Муҳаммад Сауд Ҳарун (Иордания)
Маҳаллий медиа офицер: Акмал Раҳматов
Маҳаллий бош координатор: Зоҳиржон Акрамхонов