Пеп Гвардиола учрашувларга қўшиб берилган вақт кўпайганидан норозилигини билдирди.
“Манчестер Сити” аввалроқ Англия Суперкубоги учун ўйинда “Арсенал”га пеналтилар сериясида мағлуб бўлганди. Лондонликлар 101-дақиқада ҳисобни тенглаштиришди.
"Энди мен буни мағлубиятга учраганимиз учун айтаётгандек туюлиши мумкин. Ўйинлар чўзилиб бормоқда. Биз аллақачон 110 дақиқа ўйнаяпмиз.
Тасаввур қилинг-а, вақтни чўзган юрган жамоа тўсатдан гол ўтказиб юборди. Ва камбек қилиш учун 15 дақиқа вақт бор. Бу қоида ана шундай жамоалар манфаати учун.
Биз 110 дақиқа ўйнаймиз. Рождествога қадар биз 38 эмас, 43 та ўйин ўйнаймиз. Яна кўпроқ ўйин керакми?
Терма жамоалар ўйнаш ҳуқуқига эга, аммо биз миқдор эмас, сифат кўпроқ бўлишига ишонч ҳосил қилиш йўлини топишимиз керак”, деди “Ман Сити” бош мураббийи.
