Саудия Арабистони Профессионал лигаси директори Майкл Эменало клубларнинг трансфер фаолияти мавзуси ҳақида гапирди.
Эслатиб ўтамиз, 2023 йилда Саудия Арабистони клублари бир қатор юлдуз футболчилар, хусусан, Криштиану Роналду билан шартнома имзолашганди.
"Умид қиламанки, январь ойидаги трансфер ойнаси жуда банд бўлмайди. Клублар қизиқарли ва тажовузкор ишларни амалга оширди. Аксарият клубларда керакли нарса бор. Умид қиламанки, энди эътибор инфратузилмани яхшилашга қаратилади.
Энди ҳар қандай клубга кучайтириш керак бўлса, у энг юқори савиядаги футболчилар бўлади. Биз кўпроқ иқтидорли футболчиларни жалб қилиш учун барча имкониятлардан фойдаланишда давом этамиз", - деди Эменало Goal порталига.
