"Пари Сен-Жермен" ярим ҳимоячиси Фабиан Руисга ҳамон "Ювентус" қизиқиш билдирмоқда.
Испаниялик футболчининг Турин клубига ўтиши мумкинлиги ҳақидаги миш-мишлар ўтган ой пайдо бўлганди. Инсайдер Николо Скиранинг янгиланган хабарига кўра, "Ювентус" яқинда 27 ёшли ярим ҳимоячи ҳақида маълумот сўраган. Руиснинг агентлари Туринда бўлгани ҳам маълум. Расмий музокаралар ҳали бошланмаган, бироқ "бьянконерилар" спорт директори Криштиану Жунтоли узоқ вақтдан буён футболчига мухлислик қилади.
Фабиан Руис жорий мавсумда "ПСЖ" сафида 13 та ўйинда майдонга тушиб, битта гол урган ва битта голли узатмага муаллифлик қилган. Transfermarkt портали унинг нархини 30 миллион еврога баҳоламоқда.
