Мадриднинг “Реал” клуби ярим ҳимоячи қидирмоқда. "Лос Бланкос"дан кетишга яқин турган хорватиялик Лука Модрич ва германиялик Тони Крооснинг йўқотишларини тўлдирадиган футболчи керак.
Goal.com хабарига кўра, испан топ-клуби Лондоннинг "Арсенал" жамоасида тўп тепаётган 24 ёшли инглиз Деклан Райсга қизиқиш билдирмоқда. Ярим ҳимоячининг трансфери 100 миллион еврога баҳоланмоқда.
Деклан "канонирлар" сафига сўнгги трансфер ойнасида "Вест Хэм"дан келиб қўшилди. У билан 2028 йилнинг ўрталарига қадар узоқ муддатли шартнома имзоланган.
Райс жорий мавсумда АПЛда 12 та ўйинда майдонга тушиб, 2 та гол урди ва голли узатмани амалга оширди.
