Футбол бўйича Саудия Арабистони чемпионатининг 14-туридан ўрин олган “Ал-Иттифоқ” – “Ал-Иттиҳод” учрашуви бўлиб ўтди. Учрашувни жамоалар дуранг билан якунлади - 1:1.
Биринчи бўлим охирида “Ал-Иттифоқ”нинг нидерландиялик ярим ҳимоячиси Жоржиньо Вейналдум жамоасини ҳисобда олдинга олиб чиқди. 54-дақиқада “Ал-Иттиҳод”нинг марокашлик ҳужумчиси Абделрразоқ Ҳамдалла бразилиялик Фабиньонинг узатмаси билан ҳисобни тенглаштирди.
“Ал-Иттифоқ” Саудия Арабистони Про-лигаси турнир жадвалида 14 ўйиндан сўнг 23 очко жамғарган ҳолда 7-ўринда бормоқда. “Ал-Иттиҳод” эса тўртинчи ўринда.
