Уоррен Заир-Эмери 17 ёшида терма жамоада дебют қилган. Матбуот анжуманида у журналистларга Франция терма жамоасининг босимлари, «ПСЖ» ярим ҳимоясини бошқариш масъулияти ва Тьерри Анри билан ривожланаётган муносабатлари ҳақида гапирди. Йигит ўз ўқиш жадвали ҳақида ҳам гапирди. Маълум бўлишича, футболчи Франция терма жамоасига илк чақирувини муносиб нишонлай олмаган, чунки у уй вазифасини бажариши керак эди.
Заир-Эмери бир неча вақтдан бери энг яхши иқтидор деб ҳисобланмоқда. У ўзининг кўп қирралилиги, фидойилиги ва меҳнатсеварлиги учун қадрланади. У 6, 8 ёки 10-рақам сифатида ўйнаши мумкин. Франциялик футболчини аллақачон Жуд Беллингем билан солиштиришади. Футболчилар ўзларининг кўп қирралилиги бўйича ўхшаш, аммо маҳоратлари ҳар хил. Заир-Эмери Беллингемга қараганда ёшроқ, техникавийроқ ва кичикроқ. Аммо инглиз ярим ҳимоячиси каби жамоани кейинги босқичга олиб чиқадиган асосий футболчи бўлиши мумкин.
Ўтган 20 йил ичида «ПСЖ» Европа даражасида бир қанча ажойиб истеъдодларни етиштирди. Аммо уларни Парижда сақлаш катта муаммога айланди. Тарихга назар ташлайдиган бўлсак, «ПСЖ» мураббийлари ёш футболчиларни асосий жамоага қўшишни истамай, истиқболли иқтидорлардан кўра, қимматбаҳо йирик трансферларни афзал кўришган. Футболдаги умумий муносабатлар пул билан бошланган Qatar Sports Investment эгалари бу тенденцияни янада кучайтирди.
Заир-Эмери ҳозирда «ишлаб чиқариш линияси» нинг энг сўнгги маҳсулотидир ва парижликлар уни сақлаб қолишга мажбур. Собиқ мураббий Кристоф Галтье ўтган мавсумда ундан фойдаланишни бошлаган, ўша пайтдаги 16 ёшли футболчига Лига 1да 26 та ўйин ўтказган ва Чемпионлар лигаси 1/8 финалида «Бавария»га қарши ўйинни асосий таркибда бошлаган. Натижалар ҳар хил. Заир-Эмери ярим ҳимояда ўйнаганида яхши таассурот қолдирди, лекин кўпинча у тактик сабабларга кўра ўнг қанот ҳимоячиси позициясида ўйнашга мажбур бўлди.
Марказий ярим ҳимояда у баъзида уста эди. Баҳорда Заир-Эмери «Монпелье» дарвозасига ҳал қилувчи гол урди, бунинг эвазига «ПСЖ» чемпионлик учун курашда ниҳоят таъқибчилардан ажралиб чиқди. Бир неча ҳафта ўтгач, у янада таъсирчанроқ кўринди, бу сафар «Нант»га қарши ғалабада ярим ҳимоячи сифатида ҳаракат қилди, бироқ унинг жамоаси хотиржам ўйнамади. У «Бавария»га қарши баҳсда Кингсли Команни «еб қўйди». Бу 16 ёшли ўсмир учун таъсирли ва бироз ғайритабиий эди.
Ўшандан бери Заире-Эмери ривожланишда давом этди. У парижликларга жорий мавсумда биринчи голларини уришга ёрдам берди ва Марко Асенсиога битта ассист беришга улгурди. Бир ой ўтгач, франциялик футболчи худди шундай ажойиб ҳужумкор ўйин намойиш этиб, Чемпионлар лигаси доирасидаги «Милан»га қарши ўйинда 2 та голли узатмани амалга оширди. Заир-Эмери тўлиқ ҳужумкор ярим ҳимоячи бўлиши мумкин, аммо у майдон марказида ҳаракат қилишни афзал кўради. Ёш ярим ҳимоячи марказий ярим ҳимояда барча классик ҳаракатларни бажаради: тўпни олиб қўйиш, ушлаб туриш, тўпни олдинга силжитиш ва ҳимоячиларга ёрдам бериш. Луис Энрике бу футболчини «олмос» деб атайди.
Заир-Эмерининг Франция терма жамоасига чақирув олиши вақт масаласи эди. У ёшлигидан миллий даражадаги ёшлар терма жамоаларининг ажралмас қисми эди. Футболчи илк бор ўзини 17 ёшгача бўлган ёшлар ўртасидаги Европа чемпионатида дунёга эълон қилган эди. Анри биринчилардан бўлиб Заир-Эмерини асосий жамоага кўтарилиш масаласини кўриб чиқишни таклиф қилди. U-21 терма жамоаси мураббийи уни сардор этиб тайинлади ва сўнгги икки халқаро танаффусда тўртта рақибини мағлуб этган жамоанинг марказий ўйинчисига айланди.
Ёш ўйинчи келтира оладиган таъсир ва сифат ҳақида гап кетганда, Беллингем билан яна ўхшашликлар бор. Анча йиллардан бери Англия термасида Жуддек ярим ҳимоячи йўқ эди. У ҳақиқатан ҳам «шерлар»ни кейинги босқичга қадар елкасида олиб юрди. Стивен Жеррард ва Френк Лэмпард давридан бери Англияда унга ўхшаган ярим ҳимоячи йўқ, улар ярим ҳимоядан қўрқмасдан югуриб, ҳужумнинг сўнгги босқичида сезиларли таъсир кўрсатади.
Заир-Эмери - Франция термасига керак бўлган футболчи. Охирги пайтларда французларда техник маҳоратга эга бўлмаган тажовузкор ва қаттиқ ярим ҳимоя чизиғи бор. Аурелиен Тчуамени, Эдуардо Камавинга ва Адриен Рабьолар юқори савияли футболчилардир. Ҳар бирининг кучли томонлари бор, лекин ҳеч бирида «ПСЖ» тарбияланувчисининг техник қобилияти йўқ. Яхшиямки, Дидье Дешам ёшларга имконият беришдан тортинмайди. Унинг қўл остида Камавинга ҳам, Заир-Эмери ҳам 17 ёшида дебют қилишган. Уоррен дебют учрашувида ҳам гол урди, аммо жароҳат ҳаммасини барбод қилди.
Бироқ, ҳали ҳамма нарса аниқ эмас. Битта ўйинда яхши ўйнаш билан ҳаммасини кафолатлаб бўлмайди, бу аслида ҳеч нарсага таъсир қилмади ҳам. Аммо жамоанинг муҳим қисмига айланиш бутунлай бошқа нарса. Гарет Саутгейт Евро-2020да Беллингемга кўп ўйнаш вақтини беришга таваккал қилмади, гарчи у етарлича тайёр бўлган бўлса ҳам. Натижада ёш ярим ҳимоячи турнирда жами 55 дақиқа ҳаракат қилди. Заир-Эмери Евро-2024га борса, худди шундай тақдирга дуч келиши мумкин. Аммо терма жамоага у ҳақиқатан ҳам керак бўлиши мумкин, айниқса Камавинга ёки Тчуамени оптимал ҳолатда бўлмаса.
Франция терма жамоаси ҳозир шунчалик кучлики, асосий таркибдан жой олиш ниҳоятда қийин. Дешам учта ярим ҳимоячи билан ўйнашни яхши кўради. Антуан Гризманн - сўзсиз ўнинчи рақам. У аллақачон кетма-кет 84 та ўйин ўтказган. «Атлетико» ҳужумчисидан ўйин вақтини олиб қўйиш энди реал эмас. Тчуамени терма жамоадаги мавқеини ҳам тобора мустаҳкамлаб бормоқда. Аммо учинчи вариант ҳам бор, унда асосий қаҳрамонлар Камавинга ва Рабьодир.
Камавинга қанот ҳимоячиси сифатида ўйнай олгани учун Заир-Эмерига битта рақиб қолди: Рабьо. Адриен - баҳсли шахс. Унда терма жамоада ўйнаш учун керакли сифатлар бор, лекин ҳар доим ҳам самарали ҳаракат қилавермайди. Бу жамоада кучсиз бўғинлар унчалик кўп эмас, лекин Рабьо майдонда мустаҳкам ўрин учун кураша олади. Заир-Эмерининг кучи аллақачон етарли, аммо ҳаммаси мураббийга боғлиқ бўлади. Дешамнинг Рабьога сўзсиз ишончи нимагадир асосланиши аниқ. Терма жамоалардаги муносабатлар индивидуал футболчиларга бўлган ишонч асосида қурилган ва бу фақат вақт ўтиши билан пайдо бўлади.
