Туриннинг "Ювентус" клуби "Манчестер Юнайтед" билан ҳужумкор ярим ҳимоячи Жэйдон Санчонинг трансфери борасида музокаралар олиб бормоқда. Бу ҳақда инсайдер Руди Галетти ижтимоий тармоқлар орқали маълум қилди.
Журналистнинг сўзларига кўра, "кекса синьора" кейинчалик сотиб олиш ҳуқуқи билан инглизни ижарага олиш вариантини кўриб чиқишга тайёр. "Манчестер Юнайтед" жамоаси бош мураббийи Эрик тен Хаг билан можаро туфайли майдонга тушмаётган футболчи билан хайрлашишга тайёр.
Англия чемпионатининг жорий мавсумида 23 ёшли вингер бор-йўғи учта ўйин ўтказди. Жэйдоннинг "қизил иблислар" билан шартномаси 2026 йилнинг ўрталарига қадар тузилган. Санчонинг трансфер қиймати 32 миллион евро.
