Каталониянинг "Барселона" клуби ярим ҳимоячиси Педри ярим ҳимояда Френки де Йонг ва Илкай Гюндоган билан ўйнаш ҳақида гапирди.
Эслатиб ўтамиз, бу учлик "кўк-анорранглилар"нинг Чемпионлар лигаси гуруҳ босқичи доирасидаги "Порту"га қарши сўнгги учрашувида майдон марказида ҳаракат қилганди.
"Де Йонг ва Гюндоган ярим ҳимояда ўйнаса, жамоа учун тўпни йўқотиш жуда қийин. Бундай ўйинчиларнинг рўйхатда бўлиши - бу ҳақиқий ҳашамат", - деди Педри ESPN билан суҳбатда.
Педри жароҳати туфайли мавсум бошини ўтказиб юборди, аммо яқинда сафга қайтди. Шу билан бирга, жамоанинг яна бир ярим ҳимоячиси Гави тиззасидаги жароҳат сабабли мавсум охиригача касалхонага ётқизилган эди.
