"Челси"нинг собиқ ҳужумчиси Жанфранко Дзола раҳбариятнинг Маурисио Почеттинони бош мураббий этиб тайинлаш ҳақидаги қарори қанчалик тўғри эканлигини баҳолади.
"Менимча, Почеттино "Челси" учун идеал мураббий, чунки у аввал ҳам худди шундай шароитларда ишлашига тўғри келган. Катта салоҳиятга эга ёш жамоаларга устозлик қилди ва ажойиб жамоа тузди. Менимча, Маурисио "Челси"га тўғри келади. Жамоа бир ҳафта ёки бир ойда тузилмаслигини тушунишимиз керак. Мураббийга вақт керак. Почеттинонинг қобилиятига шубҳа қила олмаймиз. У жуда яхши мураббий" - деди Дзола The Obi One билан суҳбатда.
Почеттино бошчилигидаги "Челси" ҳозирда Премьер-лигада ўнинчи ўринда бормоқда.
