Олдинроқ Лондоннинг икки клуби «Челси» марказий ҳимоячиси Трево Чалобани сотиб олиш ниятида экани ҳақида хабар берган эдик.
Англиялик футболчига «Кристал Пэлас» ва «Тоттенхэм» қизиқиш билдирмоқда, аммо журналист Фабрицио Романонинг хабар беришича, бу клублар Тревони трансфер қилишга ҳали яқин эмас.
Манбанинг айтишича, ҳозирча бирорта клуб Чалоба бўйича аниқ музокараларни бошламаган. Шу билан бирга, Романо Тревонинг январда «Челси»ни албатта тарк этишига ишонч билдирмоқда.
Чалоба жорий мавсумда «Челси» таркибида АПЛда бирорта ҳам ўйин ўтказмади. Футболчи мавсум бошида олган жароҳатидан фориғ бўлишда давом этмоқда.
