Хуго Ларссонга Англиянинг топ-клублари қизиқиш билдирмоқда.
"Айнтрахт" ярим ҳимоячиси "Арсенал" ва "Ливерпул"нинг эътиборини тортди, деб хабар беради Get German Football News нашри.
Ўтган ёзда швециялик футболчини 9 миллион евро эвазига қўлга киритган франкфуртликлар жамоаси у билан бунчалик тез хайрлашмоқчи эмас ва шунинг учун фақат йирик таклифларни кўриб чиқади. Раҳбарият Швеция терма жамоаси футболчисини 80 миллион еврога сотиш мумкин деб ҳисобламоқда.
Жорий мавсумда 19 ёшли футболчи Бундеслигада 17 та ўйин ўтказиб, 2 та гол урди.
