Барселона суди 22 февраль, пайшанба куни Дани Алвес иши бўйича ўз қарорини эълон қилади.

Маълумки, бразилиялик футболчи аёл кишига нисбатан жинсий зўравонлик қилганликда айбланмоқда. Тергов жараёнида у ўз айбини тан олди. Алвес 12 йиллик қамоққа ҳукм қилиниши мумкин.

Суд қарори эрта Тошкент вақти билан 14:30да эълон қилиниши кутилмоқда. Дани бир йилдан ортиқроқ вақт мобайнида қамоқхонада сақланмоқда.

Футболчининг адвокати Алвесни вақтинчалик озод қилиш бўйича судга илтимоснома киритди. Ушбу ариза бўйича ҳам суд эртага қарор қабул қилиши кутилмоқда.

Шунингдек, жабрланувчи томон Данидан 150 минг евро миқдориди компенсация талаб қилган.