"Челси" бош мураббийи Маурисио Почеттино "Ливерпул"ни Англия лига кубоги финали фаворити деб атади. "Кўклар" 25 февраль куни Лондондаги "Уэмбли" стадионида турнирнинг ҳал қилувчи баҳсида "қизиллар"га қарши майдонга тушишади.
“Клопп Пеп билан бирга дунёнинг энг яхши мураббийларидан бири. Агар улар фаворит бўлмаса, биз ҳам фаворит эмасмиз. Агар мендан сўрасангиз, "Ливерпуль" фаворит деб айтаман. Улар бундай ўйинларда тажрибага эга ва баъзи футболчиларимиз учун бу уларнинг фаолиятидаги илк финал. Клопп 50-50 ўйин дейишга ақлли, аммо менимча, "Ливерпуль" фаворит", - дея Почеттино сўзларини келтирган журналист Бен Жейкобс.
Эслатиб ўтамиз, “Ливерпуль” январь ойи охирида АПЛнинг 22-тур учрашувида “Челси” билан ўйнади. Ўша учрашув 4:1 ҳисобида Юрген Клопп шогирдларининг ғалабаси билан якунланган.
