"Бавария"нинг собиқ бош мураббийи Ханс-Дитер Фликнинг агенти Пини Захави "Барселона" президенти Жоан Лапортага мижози Каталония клубини қабул қилишни истаётганини айтди. Бу ҳақда Испаниянинг Mundo Deportivo нашри хабар берди.
"Барселона"нинг амалдаги бош мураббийи Хави Эрнандес мавсум охирида ўз лавозимини тарк этади, бу аллақачон расман эълон қилинган. Флик эса ёзда очиладиган бўш ўрин учун фаворитлардан бири.
Германия терма жамоасининг собиқ устози Англия Премьер-лигасидаги жамоани бошқариш вариантини ҳам кўриб чиқмоқда. Бироқ, Фликнинг устувор вазифаси "Барселона"да ишлаш.
