Туриннинг "Ювентус" клуби бош мураббийи Массимилиано Аллегри ярим ҳимоячи Поль Погбанинг дисквалификацияси ҳақидаги хабарга изоҳ берди.
Эслатиб ўтамиз, франциялик ярим ҳимоячи допинг туфайли 4 йилга дисквалификация қилинган эди.
"Погбанинг дисквалификацияси? Мен унга хабар юбордим. Мен жуда афсусдаман, футбол фавқулодда футболчисини йўқотди. Бундай савиядаги футболчини топиш қийин. Мен ҳукмга изоҳ бера олмайман, чунки бу борада тегишли органлар бор", — деди Аллегри матбуот анжуманида.
Аввалроқ, "Ювентус" Погба билан шартномани бекор қилиш борасида музокара бошлагани маълум бўлганди. Поль 2022 йилнинг ёзида эркин агент сифатида туринликлар жамоасига қайтди, аммо турли жароҳатлар туфайли бир неча ўйин ўтказди.
