МЛСнинг навбатдаги мавсумида "Интер Майами" ўз майдонида "Монреал"дан 2:3 ҳисобида мағлуб бўлди. Мезбонлар бош мураббийи Херардо Мартино ушбу учрашув ҳақида гапирди.
"Менинг жамоам йирик ҳисобда ғалаба қозонишга ҳақли эди. Яхши ҳимояланмаётганимиздан хавотирдаман. Жамоа заиф старт олди. Биз ҳаракат қилдик, бироқ рақиблар иккита стандартдан муваффақиятли фойдаланишди", - деди аргентиналик мутахассис МЛС матбуот хизматига.
"Интер Майами"нинг навбатдаги ўйини КОНКАКАФ чемпионлар кубоги 1/8 финалида "Нэшвилл"га қарши бўлади. Учрашув 14 март куни Майамида бўлиб ўтади.
