Парагвай футбол федерацияси Москва вилоятидаги Крокус Сити Холл концерт залида содир этилган теракт муносабати билан ҳамдардлик билдирди.
Кеча, 22 март куни Москва яқинидаги Красногорскдаги "Крокус Сити Холл" биносида теракт содир этилди. Номаълум шахслар автоматлардан ўқ узган, бинода портлаш содир бўлган ва ёнғин бошланган. Тергов қўмитасининг сўнгги маълумотларига кўра, 60 дан ортиқ одам ҳалок бўлган, қурбонлар сони ортиши мумкин.
"Биз воқеалардан чуқур афсусдамиз. Ассоциация ижроия кенгаши Парагвай терма жамоасининг имкон қадар тезроқ хавфсиз қайтишини таъминлаш учун фаол ишламоқда", — дейилади федерация хабарида.
