"Ньюкасл" дарвозабони Ник Поуп яна елкасидан жароҳат олди, дея хабар беради журналист Жоэль Бланд.
Шу тариқа, 31 ёшли Поуп мавсум охиригача жамоанинг барча ўйинларини ўтказиб юборади.
Эслатиб ўтамиз, декабрь ойи бошида дарвозабон "Манчестер Юнайтед"га қарши ўйинда жароҳат олган эди. Бу Никнинг жорий мавсумдаги барча турнирлардаги 20-учрашуви эди. У ўз дарвозасидан 19 та гол ўтказиб юборди.
Хаунинг айтишича, тикланиш камида 4 ой давом этади. Янги жароҳат туфайли Поуп олти ойдан кўпроқ вақтни ўтказиб юборади.
Поуп йўқлигида "Ньюкасл" Мартин Дубравкани биринчи бўлиб дарвозабон сифатида, Лорис Кариусни эса ўринбосар сифатида ишлатмоқда.
Яқинда "Ньюкасл" "Валенсия"дан Гиорги Мамардашвилини трансфер қилишга қизиқаётгани ҳақида хабарлар пайдо бўлди.
