"Челси" бош мураббийи Маурисио Почеттино "Манчестер Юнайтед" устидан қозонилган ғалабадан (4:3) кейин ўз ҳис-туйғулари ҳақида фикр билдирди.
“Кўклар” 100 ва 101-дақиқаларда киритилган голлар эвазига уч очкони тортиб олишди. Иккала гол муаллифи ушбу учрашувда хет-трик қайд этган Коул Палмер бўлди.
“Ўйиндан кейинги нишонлашим? Мен масхарабоз эмасман. Мен мураббийман. Эҳтирос бу четда ақлдан озиш эмас. Мен хотиржамликни сақлашим ва вазиятни таҳлил қилишим керак, чунки мен Европанинг энг ёш жамоаларидан бирини бошқараман. Албатта, ўйин охирида ҳис-туйғулар бўлади, лекин бу цирк эмас. Агар сизга масхарабоз керак бўлса, уни бошқа ердан топинг", - дея Почеттино сўзларини келтиради журналист Бен Жейкобс.
