"Манчестер Сити" бош мураббийи Пеп Гвардиола Англия кубоги ярим финалида "Челси" устидан қозонилган ғалабадан сўнг (1:0) тақвимдан норозилигини билдирди.

“Бугунги ўйинни ўтказишни қабул қилиб бўлмасди. Бу футболчиларнинг жисмоний ҳолати туфайли мумкин эмас, бу ғайритабиий, қабул қилиб бўлмайдиган ҳолат. "Реал" билан 120 дақиқа ўйин, ҳиссиётлар, мағлубият. Биламан, Англияда кубокка алоҳида муносабат бор, лекин биз футболчиларнинг соғлиғи ҳақида ўйлаяпмиз. Бугун қандай қилиб омон қолганимизни тушунмаяпман.

Нега якшанба куни ўйнай олмадик? "Манчестер Юнайтед" ва "Ковентри", шунингдек, "Челси" ҳафта ўртасида ўйнамади. Биз футбол ўйнашни хоҳлаймиз, биз футбол ўйнашни яхши кўрамиз, лекин бу жуда кўп", - дейди Гвардиола.