Лиссабоннинг “Спортинг” клуби бош мураббийи Рубен Аморим ёзда Лондоннинг “Вест Хэм” клубини бошқармайди. Журналист Фабрицио Романонинг ёзишича, португалиялик мутахассис Лондонда раҳбарият билан учрашувдан сўнг "болғачилар"ни бошқаришга иштиёқи йўқолган.
"Ливерпуль" Аморимга қизиқиш билдирмоқда, бироқ Рубен ва мерсисайдликлар ўртасидаги музокаралар ҳалигача давом этмоқда. Бундан ташқари, агар "Челси" Маурисио Почеттинони истеъфога чиқарса, португалиялик "Стемфорд Бриж"да бош мураббий лавозимини эгаллаши эҳтимоли ҳам бор.
Аморимнинг "Спортинг" клуби айни дамда Португалия чемпионати турнир жадвалида қўшниси "Бенфика"дан 7 очкога олдинда бормоқда.
