"Бавария" бош мураббийи Томас Тухель жамоа бошқарувидаги келажаги ҳақидаги барча фикрларини айтиб ўтди. Кўплаб мутахассислар рад жавобидан сўнг мюнхенликлар клуби амалдаги мураббийни сақлаб қолишга ҳаракат қилаётгани аввалроқ хабар қилинганди.
"Бу менинг "Бавария" бош мураббийи сифатидаги охирги матбуот анжуманим. Биз музокаралар олиб бордик, аммо келишувга эриша олмадик. Февраль ойида қабул қилинган қарор ўз кучида қолади", — деди Тухель матбуот анжуманида.
Томас “Бавария”ни 2023 йилнинг март ойида қабул қилиб олди ва шу кунгача жамоа билан фақат битта соврин – ўтган мавсумда Бундеслига чемпионлигини қўлга киритди.
