“Ювентус”, “Лацио” ва “Челси” клубларининг собиқ бош мураббийи Маурицио Сарри инглиз клубини тарк этиши ҳақида гапирди.
"Челси"ни тарк этиш менинг фаолиятимдаги туб хато бўлди. Менда қолиш учун ҳамма нарса бор эди. Бироқ, бу қийин клуб, унда катта эҳтимол билан улар иккинчи мавсумни якунлай олмайдилар, чунки деярли ҳеч ким буни уддалай олмаган.
Ҳеч бўлмаганда Англия Премьер-лигасида қолишим керак эди. Мен қочишим керак бўлган катта хатога йўл қўйдим. Италияга қайтиш истаги ўз ўрнини Премьер-лигада қолиш истагига бўшатиб бериши керак эди, аммо бу содир бўлмади", - деди Сарри Sky Sport Italia билан суҳбатда.
Саррининг сўнгги иш жойи "Лацио" бўлган (2021 йилнинг июнидан 2024 йилнинг мартигача). Шунингдек, 65 ёшли мутахассис профессионал фаолияти давомида “Верона”, “Эмполи”, “Наполи”, “Ювентус” ва “Челси” клубларида ишлаган.
Сарри қўлга киритган совринлар қаторида 2019/2020 йилги мавсумда “Ювентус” билан Италия кубоги ва 2018/2019 йилги мавсумда “Челси” билан Европа Лигаси совринлари бор.
