УЕФА Сербия футбол иттифоқини Евро-2024да мухлисларнинг хатти-ҳаракати учун жаримага тортди.
Эслатиб ўтамиз, Англия терма жамоасига қарши гуруҳ босқичидан ўрин олган ўйиндан сўнг (0:1) Сербияга нисбатан интизомий иш очилганди.
Сербиялик мухлислар майдонга бегона нарсаларни улоқтириш, шунингдек, “спорт тадбирига тўғри келмайдиган провокацион хабар тарқатиш”да айбланган.
УЕФА тартиб-интизом комиссияси Сербия футбол иттифоқини майдонга бегона нарсаларни улоқтиргани учун 14500 евро – 4500 евро ва провокацион хабарлар учун 10000 евро миқдорида жаримага тортди.
Хабар қилинишича, УЕФАнинг ахлоқ ва интизом бўйича ходими "камситувчи хатти-ҳаракатлар"ни ҳам текширади.
