"Вест Хэм" ярим ҳимоячиси Лукас Пакетанинг келажаги ноаниқлигича қолмоқда.
Ўтган ойда маълум бўлишича, бразилиялик ноқонуний пул тикиш учун бир умрлик футболдан четлатилиши мумкин. Эҳтимол, юзага келган муаммоларни инобатга олган ҳолда, футболчи ўз ватанига қайтишига тўғри келади - у ерда аллақачон уни қўлга киритишни истаганлар бор. Фабрицио Романонинг сўзларига кўра, "Фламенго" 26 ёшли ҳужумкор ярим ҳимоячини ижарага олиш борасида "Вест Хэм"га мурожаат қилган. Музокаралар давом этмоқда. Рио-де-Жанейро клуби шартномани имкон қадар тезроқ ёпишни режалаштирмоқда.
Transfermarkt портали маълумотларига кўра, Лукас Пакетанинг нархи 65 миллион еврони ташкил этади ва унинг "болғачилар" билан шартномаси 2027 йилгача мўлжалланган.
