Испания Францияга қарши ўйиннинг иккинчи бўлимида рақиб дарвозасига аниқ зарба йўлламади.
Луис де ла Фуэнте шогирдлари 2:1 ҳисобида ғалаба қозониб, Евро-2024 финалига чиқди. Учрашувдаги барча голлар 1-бўлимда киритилди - дарвозага йўлланган учала зарба ҳам гол билан якунланганди.
Танаффусдан сўнг Испания рақиб дарвозасига бор йўғи бир марта зарба йўллади, у ҳам ноаниқ – ўйиннинг дастлабки 45 дақиқасида испанлар Франция дарвозасига 5 марта зарба беришганди.
Испания эртага бўлиб ўтадиган Англия ва Нидерландия ўртасидаги ўйин ғолиби билан Европа чемпионати финалида ўйнайди.
