Халқаро футбол федерацияси (ФИФА) аргентиналик футболчиларнинг ирқчиликка оид ҳайқириқлари акс этган видео пайдо бўлиши ортидан тергов бошлади.
Аргентиналик футболчилар Америка Кубогидаги ғалабадан кейин автобусда шов-шувли қўшиқ куйлашди, бу лаҳзани ярим ҳимоячи Энцо Фернандес жонли эфирда намойиш этди. Матн баъзи француз футболчиларининг африкалик келиб чиқишини масхара қилади. Франция футбол федерацияси ФИФАга шикоят билан мурожаат қилиши хабар қилинганди.
"ФИФА ижтимоий тармоқларда тарқалаётган видеони кўрди ва текширув ўтказмоқда. ФИФА ҳар қандай шахс, жумладан, футболчилар, мухлислар ва мансабдор шахслар томонидан камситишнинг ҳар қандай шаклини кескин қоралайди", - дейилади ФИФАнинг расмий баёнотида.
Фернандес ўзининг хатти-ҳаракати учун омма олдида узр сўради ва аргентиналик футболчи ўйнаган "Челси" ички текширув ўтказмоқда. Лондон клубида 7 нафар француз футболчиси тўп суради.
