Эрик тен Хаг Жейдон Санчо билан бўлган вазиятга изоҳ берди.
Англиялик вингер ўтган йилнинг август ойидан бери "Манчестер Юнайтед" сафида илк бор "Рейнжерс"га қарши мавсумолди ўртоқлик учрашувида майдонга тушди (2:0).
У ўтган мавсумнинг иккинчи ярмини ижтимоий тармоқларда Эрик тен Хагни очиқчасига танқид қилганидан сўнг Дортмунднинг "Боруссия" жамоасида ижара асосида ўтказди.
"Яхши суҳбатлашдик. Ҳар бир инсон хато қилиши мумкин. Агар ўйинчи буни англаб етса, у давом этиши керак.
Бу клубга яхши футболчилар керак ва бир нарса аниқ: Жейдон Санчо жуда яхши футболчи. Умид қиламанки, ҳаммаси биз учун яхши бўлади ва у муваффақиятимизга ҳисса қўшади", - деди “Манчестер Юнайтед” бош мураббийи AD Sportwereld нашрига.
