Туриннинг "Ювентус" клуби ҳужумчиси Федерико Кьеза ушбу трансфер ойнасида Англия Премьер-лигасига ўтиши мумкин.
Tuttosport нашри хабарига кўра, италиялик футболчининг хизматларига Лондоннинг "Тоттенхэм" клуби қизиқиш билдирмоқда. Манба берган хабарга кўра, инглиз клуби жиддий ниятларга эга ва шартномани тезроқ якунламоқчи.
Кьезанинг "Ювентус" билан шартномаси тугашига бир йил қолган, шу боис "кекса синьора" италиялик футболчини чегирмага сотишга мажбур. Олдинроқ Кьезага "Ливерпуль" ҳам қизиқиш билдираётганди, бироқ "қизиллар" италиялик футболчига бўлган қизиқишларини сўндиришди. 26 ёшли Федерико сўнгги А Серияда 9 та гол урди.
