Канада аёллар футбол жамоасининг собиқ бош мураббийи Беверли Пристман Париж Олимпиадасида жосуслик қилгани учун узр сўради.
Аввалроқ, Янги Зеландия терма жамоаси машғулотлари чоғида осмонда дрон кузатилгани маълум бўлган эди. Ушбу ҳодиса учун жавобгарликни Пристман ўз зиммасига олди. Натижада ФИФА Пристманни 1 йилга дисквалификация қилди ва Канада терма жамоасидан Олимпиададаги 6 очкосини олиб ташлади. Шунингдек, Канада федерацияси 200 минг швейцария франки (тахминан 313 минг евро) миқдорида жаримага тортилди.
"Ўйинчилар учун жуда хафа бўлдим ва бу вазият уларнинг барчасига таъсир қилгани учун чин дилдан кечирим сўрайман.
Мен Канададан ҳам узр сўрайман. Сиз менинг уйимга, мен севиб қолган юртга айландингиз. Умид қиламанки, сиз бу жуда иқтидорли ва меҳнаткаш ўйинчиларни ҳар қандай қийинчиликка қарши ўзларининг ҳақиқий характерини кўрсатишларига ёрдам беришда давом этасиз" - Пристман ESPN билан суҳбатда.
