Эрик тен Хаг катта эҳтимол билан "Манчестер Юнайтед" бош мураббийи лавозимини тарк этади. ОАВлар мутахассиснинг ўрнини ким эгаллаши ҳақидаги хабарларга тўла.
"Брентфорд" устози Томас Франк ва Англия терма жамоасининг собиқ бош мураббийи Гарет Саутгейт тен Хагнинг ўрнини эгаллаши мумкин бўлган мураббийлар сифатида кўрсатилган.
Аммо Bild нашрининг ёзишича, "Челси"нинг собиқ устози Томас Тухель ҳақиқатан ҳам "Манчестер Юнайтед"даги лавозимга асосий номзод бўлган.
Райф хабарига кўра, клуб вакиллари ва мураббий ўртасида музокаралар олиб борилган ва деярли келишувга эришилган. Аммо немис бу лойиҳадан сўнгги дақиқада воз кечган. Бироқ, Томас Тухель ҳали ҳам ишсиз экан, "қизил иблислар" немисга қайтиши ва мавсумни ёмон бошлаганидан кейин уни қўлга киритиш учун яна бир таклиф қилишлари мумкин.
