Лондоннинг “Челси” клуби Германия Бундеслигасидан марказий ҳимоячига эътибор қаратмоқда.
Team Talk маълумотларига кўра, "кўклар" ўз сафига "РБ Лейпциг"дан Костелло Люкебани таклиф қилмоқчи.
Манбага кўра, "Челси" сайёрамизнинг фақат энг яхши ёш футболчиларини сотиб олмоқчи. Раҳбариятнинг фикрича, Люкеба керакли профилга мос келади, шунинг учун клуб яқин келажакда французни сотиб олишга ҳаракат қилади.
Люкеба ёзда жамоани тарк этиши мумкин бўлган марказий ҳимоячи Аксель Дисаси ўрнига "Челси"га келиши мумкин. Костелло бунгача Францияда “Лион” сафида тўп тепган.
