«Бавария» ва Англия терма жамоаси ҳужумчиси Харри Кейн голсиз сериясини узайтирди.

31 ёшли футболчи Миллатлар лигаси доирасида Финляндияга қарши ўйинда майдонга тушди, аммо гол ура олмади ва 69-дақиқада алмаштирилди. «Уч шерлар» ҳужуми етакчиси «Бавария»нинг «Айнтрахт», «Астон Вилла» ва «Байер» билан олдинги учрашувларида ҳам гол урмаганди.

Кейн икки ярим йил ичида биринчи марта кетма-кет тўртта ўйинда гол ура олмади. Аввалроқ футболчи 2022 йилнинг мартидан апрелига «Тоттенхэм» сафида кетма-кет 5 ўйинни голсиз ўтказганди.