"Ювентус" ҳужумчиси Кенан Йилдиз "Интер" билан ўйинда (4:4) жамоасини мағлубиятдан қутқариб қолди.
Ёш футболчи ўйиннинг 62-дақиқасида захирадан майдонга тушди. Ўша пайтда унинг жамоаси 2:4 ҳисобида мағлубиятга учраётган эди. Ўйин якунига қадар туркиялик юлдуз иккита гол уриб, таблодаги якуний натижани ўрнатди – 4:4. Opta хабарига кўра, Йилдиз А Серияда "Ювентус" сафида "Интер"га қарши баҳсда биттадан кўп гол урган энг ёш футболчига айланди (19 ёшу 176 кун).
Кенан Йилдиз барча турнирларда жорий мавсумдаги 12 учрашувда учта гол ва иккита голли узатмани амалга оширди.
