Рафаэль Леау август ойидан бери гол ура олмаяпти.
"Милан" вингери кетма-кет учинчи марта А Серия ўйинида асосий таркибга киритилмади - у "Монца"га қарши ўйинни (1:0) захира ўриндиғида бошлади. Португалиялик 63-дақиқада Ноа Окафор ўрнига майдонга тушди.
Рафаэль "россонерилар" сафидаги сўнгги голини 31 август куни "Лацио"га қарши ўйинда киритганди. Унинг голсиз серияси бу даврда 9 та учрашувни ташкил этди, футболчи иккита голли узатмани амалга оширди.
Эслатиб ўтамиз, чемпионатнинг сўнгги ўйинларида асосий таркибда чап қанот ҳужумчиси сифатида ҳаракат қилаётган Ноа Окафор 17 августдан буён гол ура олмаяпти.
