2024/2025 йилги мавсумда «Ювентус» кадрлар билан боғлиқ қийинчиликларга дуч келмоқда. Янги муаммо Чемпионлар лигасининг бешинчи босқичи олдидан пайдо бўлди. «Tuttosport» хабарига кўра, душанба куни эрталаб ярим ҳимоячи Уэстон Маккенни жамоа билан машғулот ўтказмаган.
Маккенни муаммоси жиддий эмаслиги таъкидланган. Шу билан бирга, америкалик яқин орада «Астон Вилла»га қарши қитъанинг асосий клублар турниридаги ўйинни ўтказиб юбориши мумкин.
Жорий мавсумда Уэстон Маккенни 13 та расмий ўйин ўтказиб, иккита гол урди ва шерикларига иккита голли узатмани амалга оширди.
