"Ювентус" бош мураббийи Тьяго Мотта "Астон Вилла"га қарши ўйин олдидан умидлари билан ўртоқлашди.
"Охирги ўйинлардаги каби савияни кўрсатишда давом этишимиз керак. Эртага биз қарши ҳужумларда яйрайдиган жамоага қарши ўйнашимиз керак.
Биз қаттиқ ҳимояда ўйнашимиз ва уларга бўш жой қолдирмаслигимиз керак. Тўпни назорат остига олганимиздан кейин ундан унумли фойдаланишимиз керак.
Мен ижобий фикрдаман, чунки мен ўзимга ва футболчиларимга ишонаман. Мен ташвишланмайман. Кўп жароҳатлар? Албатта, бу қандайдир тасодиф эмас, чунки кўплаб жамоаларда бундай муаммолар мавжуд, аммо биз буни енгиб ўтамиз.
Чемпионлар лигасининг янги формати? – бу менга ёқади.
Биз ўйинларга бошқача тайёргарлик кўришимиз керак, бу яхшиланишимизга ёрдам беради", - дея Моттанинг сўзларидан иқтибос келтиради Football Italia.
