Турнир финалида “қизил-қоралар” “Интер”ни 3:2 ҳисобида мағлуб этишди.
Учрашувдаги дастлабки иккита голни "қора-кўклар" жамоаси киритди. 45+1-дақиқада Лаутаро Мартинес урган бўлса, иккинчи бўлим бошида Меҳди Тареми орадаги фарқни оширди. “"Милан" сафида битта голни Тео Эрнандес киритди. 80-дақиқада Эрнандеснинг узатмасидан Кристиан Пулишич ҳисобни тенглаштирди. Қўшиб берилган вақтда Тэмми Абраҳам "Милан"нинг учинчи голини киритиб, ўйиндаги якуний ҳисобни ўрнатди.
"Милан" ўз тарихида саккизинчи марта Италия Суперкубогини қўлга киритди ва бу кўрсаткич бўйича "Интер" билан тенглашди. “Қизил-қоралар” охирги марта 2016 йилда турнирда ғалаба қозонишган эди.
