Қатарнинг "Ас-Садд" клуби собиқ ярим ҳимоячиси Санти Касорла Хави Эрнандеснинг "Барселона" бош мураббийи сифатидаги фаолияти ҳақида гапирди.
"Хави севгиси ва ёрдам бериш истаги туфайли “Барселона”ни қийин пайтда қабул қилди. У ҳозир жаҳон даражасидаги футболчиларга айланган ёш футболчиларга таянди. Хави "Барселона"ни яна чемпионлик учун курашда давом эттирди, аммо унга муносиб баҳо берилмади. Бу унга нисбатан адолатсизлик эди", - деди Касорла Barca Universal билан суҳбатда.
Эслатиб ўтамиз, 44 ёшли Хави 2021 йилдан 2024 йилгача "Барселона"ни бошқарган. Ўтган ёзда Хави ўрнига Ханс-Дитер Флик бош мураббий бўлган эди.
