Жума куни "Бавария" ҳужумкор ярим ҳимоячи Жамол Мусиала билан шартномани узайтирганини эълон қилди. Янги меҳнат шартномаси 21 ёшли футболчини Мюнхен клуби билан 2030 йилнинг ярмигача боғлаб туради.
"Sky Germany" нашри хабарига кўра, Мусиала билан тузилган янги меҳнат шартномасида уни 175 миллион еврога сотиб олиш банди кўрсатилган. Шу билан бирга, шартнома муддати тугашидан бир йил олдин - 2029 йилнинг ёзида - товон пули 100 миллион еврогача пасаяди.
"Бавария"нинг асосий жамоаси сафида Жамол Мусиала 193 та расмий ўйин ўтказиб, 58 та гол ва 38 та голли узатмани ўз ҳисобига ёздириб қўйган.
